बुटवल, असोज ८ गते । पछिल्लो समय रूचाइएकी अभिनेत्री हुन् स्वस्तिमा खड्का। उनी फिल्ममा मात्र नभएर सामाजिक सञ्जाल इन्स्टाग्राममा पनि रूचाइएकी छन्।उनको इन्स्टाग्राममा १० लाख फलोअर्स पुगेका छन्। योसँगै उनी इन्स्टाग्राममा धेरै फलोअर्स हुने अभिनेत्रीको तेस्राे स्थानमा पर्न सफल भएकी छन्। उनी आफ्नो इन्स्टाग्राममा फिल्मको प्रचारप्रसार सामग्रीसहित ब्रान्डको विज्ञापन र फेसन शोका तस्बिर पोस्ट गर्छिन्।उनी इन्स्टाग्राममा निकै सक्रिय छिन्। उनी आगामी फिल्म ‘दिमाग खराब’ को प्रदर्शन पर्खाइमा छिन्। यो फिल्म कार्तिक २४ गतेदेखि प्रदर्शन हुँदैछ। त्यस्तै उनी ‘पशुपति प्रसाद २: भष्मे डन’ मा अतिथि भूमिकामा देखिँदैछिन्।
इन्स्टाग्राममा सबभन्दा बढी फलोअर्स अभिनेत्री तथा मोडल अदिती बुढाथोकीको छ। उनको इन्स्टाग्राममा २३ लाख फलोअर्स छन्। ‘कृ’ बाट फिल्म क्षेत्रमा प्रवेश गरेकी अदिती भारतीय मोडल पनि हुन्। उनले केही भारतीय म्युजिक भिडिओमा अभिनय गरिसकेकी छन्।त्यस्तै दोस्रो स्थानमा अभिनेत्री प्रियंका कार्की छिन्। उनको इन्स्टाग्राममा ११ लाख फलोअर्स छन्।
Be the first to comment