बुटवल, साउन २४ गते २०८०।काठमाडौँ महानगर मा अहिले बालेंन शाह मेयर भएर आएपछि नगरप्रहरीको भूमिका कडा देखीएको छ। सोहि नगर प्रहरी भित्रको एउटा प्रेमिल कथालाई गायक यश कुमारले टपक्क टिपेर सुमधुर कथा सहित फुटपाथमा भन्दा नि व्यवस्थित व्यापार गर्न सुझाएका छन।
गायक यश कुमारले म्युजिकल फिल्म सार्वजनिक गरेका छन्। मंगलबार यश कुमार अफिसियल युट्युब च्यानलमार्फत ‘सुस्तरी सुस्तरी’ बोलको गीत सार्वजनिक गरिएको हो। गायनमा उनलाई अनु चौधरीले साथ दिएकी छन्। यश कुमारको शब्द र संगीत रहेको गीतमा एसके बच्चाले संगीत संयोजन गरेका छन्। गीतको भिडिओमा सडकमा मकै बेचेर गुजारा गरिरहेकी युवती र नगरप्रहरीबीचको प्रेम सम्बन्धलाई प्रस्तुत गरिएको छ।
निकेश खड्काले निर्देशन गरेको म्युजिकल फिल्ममा यश कुमार, अनु थापा, राजेश घतानी, पन्छी तामाङ, अनिता लामालगायत कलाकारको अभिनय छ।उत्तम हुमागाईंले छायांकन गरेको गीतको भिडिओलाई विकास धमलाले सम्पादन गरेका छन्। यसको कथा यश कुमारले तयार पारेका हुन्।
Be the first to comment